نكت مغربية 7

واحد مبوق طاح من فوق العمارة وتجمعات عليه الجوقة

سولوه الناس: أشنو وقع؟

قال ليهم: ما عرفتش، أنا يالله جيت

واحد ديما مقلق تزوج بوحدة ديما مقلقة و عصبية بحالو. النهار اللي جا الطبيب يولد مراتو خرج الولد تيقول للطبيب: سير بحالك ... بعّد مني ... هاني غنخرج ... وافوتني

واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها

هدا علي و ابراهيم تشاركو حانوت و واحد النهار علي علق اللافته مكتوب عليها بالفرنسية

alimentation generale

جاء ابراهيم قرا اللافتة كعاو هو يبدلها دار فيها

brahimentation generale

احد السبيطار ديال الحماق خرجوهم لشانطي باش يشوفوا شكون اللي دار العقل قالوا ليهم للي تلقا لشي طونوبيل نعطيوه طريف ديال ماروخا كلشي كيتلقا لطونوبيلات و كيتشتت واحد بقا كيروغ على الطونوبيلات قالوا هدا مول العقل سولوه علاش كيروغ عليهم قاليهم كنتسنا شي رموك باش ندي باكيا ديال ماروخا.

واحد قالو ليه مني تاكل سمي الله راه الشيطان تياكل معاك ناض دار السم في الماكلة.

معكاز شرا ليه باه محل ديال دجاج باش يجمع راسو جات عندو واحدة قالت ليه ارا ليا شي دجاجة فيها 2 كيلو... الدري مكسل.. شاف فدجاج وقال يللاه للي فيها 2 كيلو تنوض.

وحدة كانت مع صاحبها ..وفجأة بان باها..قالت ويلي ويلي بابا..قالها ..ماتخافيش قوليلو أنا خوك.

هدا واحد القواس مشا يتفرج فواحد لمباراة..المهم بدا لماتش ب 40دقيقة وماكاينش اللي يسجل الهدف...غير مشا يشرب هوا يتمركا لبيت منين رجع تيجري ماشافوش...و فاش دارو الاعادة دربات الكرة البوطو...

هدا واحد ناشط مشى عند البقال ...أو قال ليه عندك قنبولة 180 ريال بغيت نضحك مع مالين الدار...جاوبو مول الحانوت...زيد درهم أو شري بوطة صغيرة هجرو ليهم....

هدا واحد المكلخ بغا اطلع للقمر ...مني كان غادي خسر بيه الصاروخ أو طاح فصحراء سيناء...سحابو واش وصل للقمر....واحد الشوية جا عندو واحد المصري أو قال ليه (حتموت من الشمس )..جاوبو صاحبنا متشرفين..(ونا حشحوش من الأرض)

هذا واحد عروبي اول مرة كيشري لبورتابل هو يسمع برسائل (messages)

هو يعطي بورطابل ديالو لصاحبو قاليه كتبلي رسالة قالو مالك متكتبو انت قاليه خطك حسن من خطي

هادي امريكا بغات تصنع صاروخ المهم كلشي شارك معها... ها اللي جاب البياس و ها اللي ساعد باليد العاملة ..و اللي عاون بالفلوس... و حتى سالاو و هما يشوفوا واحد المغربي جايب ورقة كبيرة مكتوب فيها( صنع في المغرب )

هادو ثلاثة الدراري مشاو السينما 1-عمي 2-اصم 3-احول

قال العمي: انا سمعت الفلم لكن ما شفتوش

قال الاصم:انا شفت الفلم ولكن ما سمعتوش... واش قال الاحول: انا احسن منكم شفت الفيلم جوج مرات

هدا واحد السكيري هاز قرعة ديال الروج شاف البوليسي وهوايخبيها.. وهوا يجي عندو البوليسي قاليه ..اش داكشي اللي مخبي قاليه السكيري لا والو غا اللبن ومع لخلعة وهيا طيح ليه القرعة ديال الروج وتهرسات وهوا يقوليه البوليسي هذا هو اللبن ومالو حمر.. قاليه السكيري لا والله اتا لبن غاشافك وهوا يتزنك

هدا واحد خينا مربي بزاااااااف كايدق باب التلاجة قبل ما يحلها.

هدا واحد سراق الزيت (صرصور) طاح ف مولينيكس ملي خرج قال الله ينعل اللي باقي يمشي ل لافوار

وحد المعلم سال واحد التلميذ

قالو أعطيني شيء يتمدد بالحرارة ويتقلص بالبرودة

التلميذ قالو: العطلة يا أستاذ. في الشتاء 15 يوم وفي الصيف 3 أشهر

واحد دخل للقهوة وقال للنادل: عندك قهوة باردة؟ يقولو: لا , زاد جاه غدا وقالو كيما المرة اللولة ورد عليه : لا, وعاد كل يوم يقولو: عندك قهوة باردة؟ واحد النهار قال النادل: والله تا نوجّدلو قهوة باردة قبل ما يجي, ومن بعد ساعة جا الزبون وقال: عندك قهوة باردة؟ قالو: نعم, قال: سخّنها وجيبها لي

هدو جوج كتغانوا على واحد القطة واش دكر ولا انثى

واحد جا دايز قلهوم طلقوها يلا هربت راها قطة ويلا هرب راه قط

هدا وحد مغريبي غال لواحد شينوي ضربني و نضربك ,غال ليه واخا -

جا شينوي ضربو ولمغريبي سخف يومين .فاش فاق غال لوه شنا درابتيني غال ليه

frape coup

جات نوبت مغريبي ضاربو و هوا يبقا فكوما عام .غال ليه شينوي شنو ضرابتيني غال ليه

k.m.j

غال ليه كيفاش هادشي جاوبو: كلامونيت ملوي في جورنال

هذا واحد لعروبي شرا موطور 103 أو شفروه ليه .مشا عاوتاني شرا 103 آخر أوشفروه ليه ..من بعد مشا ديكلارا عند البوليس أو قاليهم شفرو لي 206

واحد المرا كاعية مع راجلها وهي تقول ليه: كون غير خديت إبليس ولا خديتك

قال ليها راجلها: شرعا، لا يجوز المرا تجوج بخوها

هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟

جاوبو صاحبو: وعلاش نجري؟ مالي أنا اللي ضربتو؟

واحد حلم أن 200 درهم توضرات ليه… بقا ناعس 3 ايام حلف ميفيق تيلقاها

استاد سول الدراري شحال خمسة فخسمة تاواحد جاوب من غير واحد الكسول قال ليه 25 هويقول ليه غوت سمعهم وهو يغوت وعععععععععععكككعك

هدا واحد الراجل شدوه البوليس وقالو ليه : جيب لاكارت قاليهوم : واش تاع اتصالات ولا مديتيل ؟ قالوليه : كتفلى علينا ... عطاوه واحد السلخة واعرة ( ضربوه )

وقالوا ليه : كي جاتك التعبئة ؟

قاليهوم : مزيانة , الحمد لله لي ما فيهاش التعبئة مضاعفة

مريكاني حكمو عليه اعدام فالمغرب.. اختار يموت بغرفة الغاز.. دخلوه لبيت ماعندو سقف.. قال فراسو مغاربة مكلخين غرفة الغاز مافيها سقف...واحد شوية لاحو عليه بوطاكاز كبيرة

واحد كحل مزوج بوحدة كحلة ولدو طفل ابيض و زعر او حارو شنو اسميوه او بكل بساطة سماوه المستحيل

قاليك هدو جوج هواتف نقالة nokia et erexon دارو يتلاقاو في الجردة ولاكين ماجاتش nokia او لاغداليه فاش تلاقاو قاليها علاش ماجيتيش البارح قالتليه وحق الريزو ليبناتنا لا كنت تنتشارجا

قالك هادو جوج سكرانين ملقاوا مايديروا ... قالوا اجي ندفعوا هاد الحيط ... ايوا بقاوا كيدفعوا .. كيدفعوا .. والوا ... مشاو حيدوا لحوايج باش يخفافوا او يقدروا يدفعوا مزيان ...ايوا رجعوا يدفعوا عوتاني ... ولكن في غفلة تشفروليهم الحوايج اوهما ما عايقينش ... واحد لوقيتة دار واحد او مالقاش الحوايج ..او هو يقول لصاحبو :

-حميدة بقينا كندفعوا حتى بعدنا بزاااااف ...

قالك هادا واحد القسم فيه 40 تلميذ .... سولهم الأستاذ واحد السؤال ... حتى واحد ما عرفوا .. بقاوا غير كيبقلوا فيه ... ايوا الأستاذ كعى هو يقولهم : عندي 40 حمار فهاد القسم

اوهو ينقز واحد الكاسول قاليه:لا آأستاذ راه كاين 41 حمار...

ايوا الأستاذ جعر او هو يخرجوا من القسم ... المهم التلميذ خرج او هو يطل عليهم من الشرجم قاليهم : ايوا دابا كاين 40 حمار

قالك هدا واحد كينسى دغيا ... مشا لمكتبة بغى يشري ستيلوا:شي ستلوا الله يخليك

قاليه مول المكتبة: كيداير..؟

جاوبوا : لا باس الحمد لله ...

قالك هاد واحد الأستاذ كيقري فلعروبية جبدليهم مورتاديلا او سولهم : ما هذه

ايوا نقز واحد الكاسول من اللور قاليه : كومة (ممحاة)ديال 16 رمية أأستاذ.

قالك هدا واحد طلع لطوبيس او مابغاش يخلص قاليهم : أنا راه مصيفطني جورج بوش ... هي هاديك ... خلاوه ايريح .. جا واحد آخر موراه حتى هو ما بغاش يخلص ...

قالوليه : هداك مصيفطوا جورج بوش اونتا مالك ...

قاليهم : اوى والله ما صيفطتوا ...

في احد الايام هجم و حش على امريكا و بدات كل

الدول تتضامن معها كل واحد مادا يرسل واحد يرسل صواريخ و الاخر اجهزة متطورة و اخر قنابل نووية...و المغرب ارسلت لهم شرطي دهب دلك الشرطي الى الوحش و قال له شيئا و بدا الوحش

بالبكاء اليوم كله و في اليوم التالي دهب الشرطي الى الوحش و قال له شيئا و بدا الوحش بالضحك اليوم كله و في اليوم التالت دهب الشرطي الى الوحش و قال له شيئا و اختفى الوحش(هرب)

عندما رجع الشرطي الى المغرب سالوه مادا قلت للوحش اجابهم

قلت له انا اعمل شرطي في المغرب و هو بدا يبكي النهار كله

و من بعد قلت له اكسب 1000 درهم مغربي في الشهر وهو بدا يضحك اليوم كله و المرة التالتة قلت له ساخدك معي الى المغرب وهرب

قال ليك هدا واحد المعلم دوز بزاف ديال السنوات فالخدمة وكل عام تيجيه تعيين فشي دوار فيه بئر ..قرا في بئر انزران ..صيفطوه لبئر لشي حاجة اخرى ..والسيد كعا وجا للنيابة قال للنائب دخلت عليك بالله واش انا معلم الا دلو فين ما كاين شي بير تصيفطوني

وهادي واحد المعلمة رسمات تراكتور فالسبورة قالت لللاميذ شنو هادشي كلشي ساكت الا واحد الكسول فالاخر ديال القسم رافع صبعو قالت ليه جاوب انتا وهو يقول تر تر تر تر ...مع وحلات ليه الهضرة قالت ليه المعلمة قلت ليك سميتو ماشي دير ليه امارش

واحد خينا مشا عند واحد الحلاق و سولو : خويا شحال باقي باش توصلني النوبة.

شاف الحلاق في الكليان و قال ليه من دابا ساعتين.

مشا داك خينا ورجع تاني من بعد يومين عند الحلاق و سولو: خويا شحال باقي باش توصلني النوبة ؟

شاف الحلاق في الكليان و قال ليه من دابا ساعتين و نص, وهو يمشي تاني فحالو

الحلاق دار عند واحد الكليان و قال لية : ها لعار لما شوف ليا هد السيد فين مشا … راه ديما كتوصل نوبتو و ماتايرجعش ؟

مشا الكليان تبعو تا دخل لواحد الدار ورجع للمحل حشمان وجهو حمر.

قاليه الحلاق مالك ,, فين تايمشي هاداك خينا ؟

قال ليه لدارك أحويا

,,

,,

الحلاق الدمدومة … مرتو مخدومة

طفلة صغيرة سألت أباها بابا كيف بدأ الخلق ؟

…..

…

.

جاوبها : الله خلق أدم وحوااء وتزوجوا وجابو أولاد وبنات وبدأت قصة الخلق .

.

.

.

..!!مشات سـولات امها نفس السؤال ردت عليها : الانسان اصله قرد وتطور وصار يشبه الانسان…

.

.

رجعت لأبوها : بابا علاش كتعلمني غلط !! …ماما كتقول أن الانسان اصلو قرد . .! …………قال ليها : حبيبتي انا هدرتلك على عائيلتي !!أما العائلة ديال أمك بوحدهم

واحد المكلخة سخراتها ماماها قالت ليها هاك جيب لي 5 دراهم دقيق , يلاه البنت غاتخرج

قالتليها تاني ها 5 دراهم واحدة خرا جيبي بها الزبدة , البنت مشات او هي ترجع

لدار و سولاتها ماماها فين السخرة, وهي تقول ليها

,,

,

ماما فين 5 دراهم لينجيب بها الدقيق و فين ليغانجيب بها الزبدة

الفرق بين طاولات البنات و الاولاد:

طاولات البنات

تلقاها راسمة قلب وملوناه بالوردي

تكتب بخط بارز اسمها واسم صديقتها حنان+ ليلى= الحب

عين على السبورة وعين مسمرة في الطاولة تلخص سنوات الضياع

طاولات الشباب

نصفها محفور … كانه مشروع انتاج النفط

تجد مكتوب بخط كبيييير visca barça

و صاحبو في الفوج الاخر يرد عليه

يحفر مكان الكتابة ويكتب hala madrid يا الحمار

و لكن الواعرة ديالهوم هو زر إضغط هنا يختفي الأستاذ

واحد الكسول نقال جراو عليه من امتحان مادة الرياضيات، ,,, علاش؟

لقاوه كاتب مورا كالكيلاتريس ,,, جدول الضرب

بكل صراحة من مننا لم يحمقه امتحان الرياضيات و تلك المعادلات العجيبة و الغريبة و التي تبدو كأنها مكتوبة بالشينوية

بخصوص الشينويين أتعجب لأمرهم كيف استطاعو صناعة كالكيلاتريس ذكية و تجيب بسرعة

واش دابا زعما الكالكيلاتريس حسن منا ولا الشينوا اللي حسن منا

أنا بعدا هد الكسول اللي جراو عليه من امتحان الرياضيات بقا فيا مسكين لأنه مداير والوو ,, راه الكالكيلاتريس حيت مغربية ماش شينوية هي لي دارت المشكلة لأنها غشاشة و لأنها ما حفضاش جدول الضرب ألسقته و رائه لتجيب التلميد عن عملياته الحسابية

إذا كنت كذلك من أصحاب الكلكيلاتريس المغربية اضغط J’aime و عنداك يحصلوك كتنقل

المغاربة هم الشعب اللي ما كيسخاش من العطلة

.

.

.

بغينا عطلة قبل العطلة باش نوجدو للعطلة ، و عطلة بعد العطلة باش نتساراحو من العطلة

لأنه هذ الأساتذة و المعلمين وجههم قاسح

بمجرد وصول العطلة يكلفوننا بإنجاز العديد من التمارين و البحوث,, بينما هم يتفججون ويستريحون من تعب المدرسة

صراحة هادشي ما شي معقول لأننا إذا قرأنا في أيا العطلة و أمضينا وقتنا في إنجاز التمارين ما غاديش تبقى سميتها العطلة لأن الفرق الوحيد هو أنك سوف يمارس عليك عداب الدراسة في المنزل عوض المدرسة ..

أين إضا الراحة و الإستجما الذي تتميز به العطلة و متى سنضح و نلعب و نتنزه و نسافر إذا أمضينا وقتنا في إنجاز التمارين أثناء العطلة

لهذا نحن لا نسخى بالعطلة و نريد عطلة للإستراحة أولا من تعب المدرسة, ثم عطلة لإنجاز التمارين, و بعدها عطلة للإستراحة من تعب التمارين قبل الدخول إل المدرسة ,,,

تتكون مقصر و ناشط مع اصحابك .. حتى كيصوني بورتابلك :

.

.

.

.

.

.الواليد ديالك : الو

…….اهلان لواليد لباس عليك .. بخير

الواليد: فينك يا داك المسخوط

…….الحمد لله بخير الله يسلمك الواليد

الواليد :و قلت ليك فينك الحمار

……لا صافي كون هاني شوية ونجي لدار

الواليد : والله يا الحححمار لا بقات فيك ,, هير تاتجي

……أيه يسول عليك لخير ,,, مبلغ

الواليد : بيب بيب بيب قطع

وانت مازال داير راسك كتهدر معاه . .. بسلامة عليك آلله يخليك.. لاشكرآ . هانيا.. يوصل يوصل.هههههههههه . ان شاء الله.. مع السلامة

,,,

وفاش تقطع كتقول لصحابك…. دراري : الواليد كيسلم عليكم

الشاب : أحــبك !!

البنت المغربية : لواه الزعتـر

فتساءلت عن دخل الزعتر في عشقي لها

..

الشاب : كنموت عليك!!

البنت المغربية : لواه النبـــك

فتساءلت عن دخل النبك في حبي لها !